etoim.mn
photos/5d1447068f76e.jpeg

 БНАСАУ-д Австралийн иргэнийг баривчилсан тухай БНСУ болон Өрнөдийн хэвлэлүүд мэдээлжээ.

Хэвлэлүүдэд мэдээлж буйгаар, Австралийн Перт хотоос ирсэн 29 настай Алек Сиглиг Пёньянд баривчилсан байна. Тэрбээр Умард Солонгосын нийслэл хотод Ким Ир Сений нэрэмжит Их сургуульд Солонгосын уран зохиолын ангид магистрт сурдагаас гадна, тус улсад ирж буй гадаадын иргэдэд зориулж аялал зохион байгуулдаг аж.

Түүнийг баривчилсан шалтгаан одоогоор тодорхойгүй байна. Хэвлэлүүдэд мэдээлж буйгаар, гурван сарын өмнө тэрбээр Умард Солонгосын нийслэл хотод дагах хүнгүй чөлөөтэй явж, дуртай газраа хоол идэх боломжтой тухай өгүүлсэн нийтлэлийг “The Guardian” сонинд зориулж бичжээ.

Умард Солонгост баривчлагдсан гэж мэдээлж байгаа Австралийн иргэний гэр бүлд консулын тусламж үзүүлж байна гэж Австралийн Гадаад хэргийн яам мэдээлсэн байна. “Юу болсныг бид яаралтай тодруулахаар ажиллаж байна” гэж мэдэгдэлд дурджээ.

Австралийн дипломат төлөөлөгчийн газар Пёньянд байдаггүй бөгөөд тус улсыг Умард Солонгост суугаа Шведийн Элчин сайдын яам төлөөлдөг байна.

Таалагдахгүй байна

1
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх

зочин

[122.201.24.130]

2019-06-27 17:04:28

Бас ѳнѳѳх америк оюутан хүү шиг болгоод нутаг руу нь явуулах вий дээ.Бурхан минь