etoim.mn
photos/Rain Kim_700.jpg

Өмнөд Солонгосын дуучин, бүжигчин, жүжигчин RAIN хуримын чимээ дуулгалаа. Солонгос охидын шүтээн, хамгийн хүсэмжит эрээр нэг бус удаа тодорч байсан RAIN найз бүсгүй Ким Тэ-хитэй гэрлэхээр төлөвлөсөн тухайгаа зарласан байна. “Би сайн нөхөр, гэр бүлийнхээ түшиг тулгуур нь байх болно” гэж гараар таталган бичсэн зурвасаа Rain Инстаграмдаа оруулжээ.

Хуримын товыг тодорхой зарлаагүй боловч Rain улс оронд таагүй үйл явдал тохиосон, эдийн засгийн байдал сайнгүй энэ үед хөл хөөр бололгүй, нам гүм, цомхон хуримын ёслол хийхээр төлөвлөснөө хэлжээ.

Өдгөө 35 настай Rain “Миний гэр” киногоороо Монголын үзэгчдийн “эчнээ” танил билээ. Түүний дурлалт бүсгүй Ким Тэ-хи 37 настай, Өмнөд Солонгосын телевизийн олон ангит цуврал кинонуудад бүтээсэн өхөөрдөм, ялдам эмэгтэйн дүрээрээ алдартай юм. Тэдний романс дөрвөн жилийн өмнөөс эхтэй. 2012 онд телевизийн сурталчилгаанд хамтран тоглох үеэр танилцсан хосууд тэр жилийн намраас болзож эхэлжээ.

Таалагдахгүй байна

2
1

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх